衛蘭赴廣州出席粉絲見面會 吸引逾千歌迷逼爆商場

衛蘭 自從參加音樂綜藝節目《聲生不息．大灣區季》後，喺內地人氣急升，下個月仲會喺廣州舉行首站巡唱。呢日Jancie到當地舉行首個粉絲見面會，吸引逾千fans到場應援，直頭逼爆商場。見到粉絲咁熱情，Janice都好識做，除咗同佢哋簽名、自拍、仲同幸運粉絲嚟個合唱添。

即將展開巡唱嘅衛蘭，呢日首次喺廣州舉行見面會
Janice指雖然好耐無去廣州，但對當地印象好好，就好似佢第二個家咁，感覺好親切。Janice仲話自從參加《聲生不息》後，唔單止為佢吸納好多粉絲，佢喺唱功表演方面亦獲益良多，係一次好寶貴嘅經驗。
佢話當地朋友非常親切，而演出《聲生不息》後更收穫大批Fans

Janice透露巡場籌備進度非常順利，而今次無論喺主題、歌單以及服裝方面都投入咗唔少心思，希望做到一絲不苟。距離開show既日子越嚟越近，Janice話一切已準備就緒，希望Keep住最好嘅狀態，仲話要記熟啲歌詞添。
Janice正為即將來臨嘅演唱會加緊綵排

日前音樂才子方大同因病離世，震驚樂壇，作為大同好朋友嘅Janice都話真係好難接受，仲未消化到呢件事。