劉青雲有信心摘亞洲電影大獎影帝 常與太太郭藹明心有靈犀著情侶裝

影帝 劉青雲 莫文蔚 同韓國歌手 2NE1 嘅 CL 現身一個揭幕活動，CL仲一改舞台上Cool爆形象，向傳媒飛吻打招呼。

CL現身香港一個品牌活動，期間熱情向傳媒送飛吻

青雲喺電影《爸爸》嘅演出大獲好評，更入圍今屆亞洲電影大獎最佳男主角，頒獎禮喺下星期日舉行，佢會同許冠文、彭于晏、韓國嘅崔岷植以及日本嘅長塚京三角逐影帝。青雲就指自己信心十足，因為如果自己都對自己無信心嘅話，就唔可以要求人哋對你有信心，佢話呢次對手雖然強勁，但無論結果點都唔需要太介意，有獎開心一陣，無獎都係唔開心一陣。
青雲話有信心於3月16號舉行嘅亞洲電影大獎獲影獎

早前青雲同太太郭藹明遊泰國被網民野生捕獲，見到兩口人相當恩愛行街，青雲呢日大爆兩夫妻亦不時著情侶裝出街，佢話有時唔係特登夾，而係大家心有靈犀，揀咗同色嘅服裝。
仲曬恩愛話不時都會心有靈犀，同太太唔覺得情侶裝外出

同場嘅Karen都話好耐冇見青雲﹐佢話好多年前曾經同青雲合作過，但係對手戲唔算多，所以佢都好希望兩人再有機會合作，而去年起Karen主攻巡演﹐仲話好想返香港演出，體驗一下新落成嘅啟德體育園。
Karen就話希望有機會於啟德體育園演出

講到音樂才子方大同抗病五年，不幸喺上月21號離世，終年41歲。Karen指覺得好惋惜，佢話自己當年曾經親自邀請對方為自己作歌，仲讚揚大同非常熱愛音樂，係不可多得嘅人才。