張震哀傷送別亡母趙欣然 吳姍儒憶恩師性格陽光活潑

張震、張翰母親趙欣然2月11日病逝，享年80歲，3月5號低調舉辦告別式，張震一早到靈堂打點，張翰帶領家人進行家祭儀式，之後再進行公祭，張震對前來悼念嘅親友鞠躬致意。儀式完成後，張震及張翰夫婦亦向靈堂外嘅傳媒表達謝意。
 張翰與張震送別母親。張震及張翰夫婦亦向靈堂外嘅傳媒表達謝意。
曾經係小學體育老師嘅張媽媽桃李滿天下，公祭有唔少學生前來送別。曾經同張震合作嘅圈中人，包括梁朝偉及劉嘉玲夫婦、馮德倫及舒淇夫婦、王家衛夫婦、楊謹華夫婦、黃大煒夫婦、五月天石頭及狗狗夫婦、許茹芸夫婦、許光漢、羅大佑、張鈞甯以及韓星鄭雨盛等。而資深藝人喜翔、路嘉怡、黃大煒夫婦、狗狗，以及導演易智言等，呢日亦有到場作最後致意。
 張震
路嘉怡形容張媽媽性格活潑，每次有活動、派對都會參加，同大家打成一片，大家都好鍾意張媽媽。而曾經係張媽媽學生嘅吳姍儒，喺告別式當日有工作在身，佢就用「非常陽光、非常繽紛」形容張媽媽希望大家會畀時間張震、張翰走出傷痛。

路嘉怡