電影泉攻略丨葉童演失婚女強人原諒出軌前夫 堅持真愛一生只有一次丨EP145

葉童及謝淑芬呢日現身《電影泉攻略》介紹新戲《淺淺歲月》，今次葉童飾演事業有成嘅失婚女強人，自覺係面面俱圓，卻唔知點解留唔住身邊嘅家人，最後大家得到一啲意想不到嘅收穫，而謝淑芬就係該片嘅出品人及聯合編劇，呢次故事藍本圍繞佢親身經歷，覺得葉童喺新戲中呈現到佢當刻唔開心嘅狀態出嚟。
葉童作客《電影泉攻略》。
本周電影新片速遞有青梅竹馬嘅靜芬同麒振有一個幸福家庭，夫妻再度分居兩地，各自喺生活中承受現實所帶來嘅衝擊，麒振身邊出現第三者，導致婚姻破裂。靜芬並冇放棄對麒振嘅感情，麒振多年後病入膏肓，靜芬不計前嫌回到前夫身邊，一直堅持真愛，一生人只有一次。
謝淑芬
《米奇17號》關於神秘複製人嘅英雄故事，米奇陷入唔尋常嘅處境，為咗完成僱主要求，必須以死謀生，不斷經歷死亡嚟換取生機，當任務犧牲後，佢會有新身體，而記憶則被保留。但去到17號時竟然打破原有局面，18號同時出現，引來軒然大波。

《驅魔黑修女》由宋慧喬飾演嘅猶利亞修女遇上被十二惡靈之一上身嘅熙俊，驅魔神父趕唔切嚟迎救，但惡靈越發強大，生死一刻之際，佢唯有打破修女唔能夠執行驅魔儀式嘅神聖規條，為咗拯救熙俊無所不用其極，甚至犯禁使用最危險、最黑暗嘅儀式驅魔，究竟修女能否以黑制黑、戰勝惡魔？

《粗獷派建築師》講匈牙利裔猶太建築師喺大屠殺中倖存，移居美國，期盼喺新天地迎接受困東歐嘅妻子，佢好快發現呢片土地同佢想像嘅截然不同，曾喺布達佩斯享譽盛名嘅建築師，到費城卻被上流社會拒之門外，萬事只能由零開始。面對陌生嘅文化與全新生存法則，佢喺異鄉奮力搵新方向，立志一點一滴重拾昔日榮譽與尊嚴。

截止3月5日中午，香港票房龍虎榜第3位《美國隊長4：勇敢新世界》、第2位《看我今天怎麼說》、第1位《哪吒之魔童鬧海》。