謝君豪葉童多年後合作變老夫老妻 莊思明爆男友楊明準備婚戒無驚喜

葉童、謝君豪、谷祖琳、陳果等呢日現身新戲首映，葉童同老拍檔謝君豪多年前曾合作過舞台劇，相隔近廿年再喺電影上合作，飾演夫妻嘅佢哋喺戲中經常吵吵鬧鬧，但私下佢哋就好好感情，喺活動上佢哋嘅互動仲有種老夫老妻嘅感覺。講到二人嘅改變，君豪話自己成熟咗好多，葉童就話君豪唔太鍾意講嘢，開工第一日兩人都唔講嘢，但活動當日君豪就好多嘢講。

葉童同謝君豪於新片中扮演一對結婚多年嘅夫妻
兩人首次參用手機拍攝嘅電影，最初都唔慣，後來就覺得手機拍攝更生活化，因為拍時冇為意鏡頭喺邊，所以捕捉得更真實。電影故事來自編劇及出品人謝淑芬嘅原身經歷，講述婚姻、家庭生活嘅道路，帶出好多女性話題，陳淑芬透露男女主角係佢不二之選，而且覺得葉童完全做到佢嗰種韻味，而君豪亦演得好似佢前夫，有時甚至唔敢直視君豪，覺得對方好有前夫影子。
新片以全手機拍攝，而兩位老拍檔因而演繹更輕鬆

新晉演員許月湘Vanora Hui同黃定謙Himmy Wong喺戲中飾演君豪同葉童一對子女，許月湘首次同兩大前輩合作，不時會向君豪爸爸取經，幸好獲兩位前輩用心指導。黃定謙更指許月湘每事問，拍幾耐戲就上足幾耐堂一樣，仲要有錢收去上演藝堂。
新晉演員許月湘同黃定謙就扮演佢哋嘅子女

楊明Mat Yeung日前迎來44歲生日，女友莊思明Lisa Chng送上嘅生日蛋糕上寫有老公兩字引嚟已婚傳聞，呢日佢哋兩人否認已婚，楊明更自爆花名多，譬如粉腸、肥仔、肥佬都係暱稱。而莊思明就知道男友準備咗婚戒，至於幾時真正拉埋天窗，楊明就話會盡快。

Lisa澄清兩人未婚，仲爆阿楊已準備好婚戒