方力申帶葉萱見陳秀珠 兩公婆動作勁有默契

方力申上月突然宣布已跟女友葉萱拉埋天窗，由於二人於美國結婚，不少好友都未能參與他們嘅喜事，故小方跟老婆回港後，就不時約好友飯聚兼介紹老婆畀大家認識。
方力申與陳秀珠喺劇集《甜孫爺爺》中合作。小方帶埋老婆去見皇阿媽。
曾經喺劇集《甜孫爺爺》中飾演小方媽媽嘅陳秀珠，呢日就上載咗佢同小方兩公婆嘅合照到社交平台，相中所見小方同老婆葉萱都好有默契咁舉起V字手勢，同皇阿媽陳秀珠一齊笑望鏡頭，以照片紀錄呢次相聚。陳秀珠喺帖文中表示：「看見我的二阿哥終於踏上人生另一個階段，皇阿媽祝福你們開心 幸福 快樂❤️❤️❤️ Love U」。而小方亦留言感謝對方嘅祝福：「Thank you 皇阿媽❤️」。
《甜孫爺爺》劇照。
小方喺《甜孫爺爺》中飾演陳秀珠嘅次子。