The Flame灣濱演出霆鋒「現身」 熱心市民張敬軒突擊合唱

近年Busking風氣力敵早年嘅賣藝熱潮，好似 黃劍文 ；仲有近日宣佈與經理人公司合約屆滿嘅 羅凱玲 等，早年都有參與街頭演出。而成立已13個年頭嘅樂隊 The Flame 更被形容為最有名氣嘅街頭樂隊，多年來累積唔少Fans嘅佢哋，近來每次開唱更閒閒哋吸引逾千人陶醉圍觀，亦獲唔少商場大公司邀請演出。

樂隊The Flame每周Busking，被譽為係最受歡迎嘅街頭樂隊
喺樂壇漸趨百花齊放嘅年代，互相Crossover已經唔係新鮮事，經網絡口耳相傳嘅爆炸力更加龐大。而早前The Flame因為演出 謝霆鋒 嘅《玉蝴蝶》而被唔少歌迷狂Tag，希望霆鋒會為大量買唔到啟德騷門票嘅歌迷現身，而星期六佢就突然以視像形式「現身」The Flame演出，同大家「見面」。
霆鋒被大家狂Tag之後，呢日以視像形式現身同現場朋友交流

霆鋒於平板電腦現身已經令灣仔海濱現場數百歌迷極為高興，而之後突然真身參與嘅 張敬軒 更令現場氣氛更為高漲。軒公同主音Kit先合唱《青春常駐》、之後又代未有到場嘅霆鋒獻唱《活著VIVA》同《餘震》。
張敬軒更係親身到場，仲同The Flame合唱演出

軒公接受傳嫌訪訪問時指，自己係首次現場欣賞Busking演出，更指現場演奏非常觸動到自己。

唔少歌手好似力臻同黃妍亦曾同The Flame合作