林明禎被粗暴掐臉畫花臉 發聲叫大家關注欺凌問題

日前香港發生童黨掌摑少女15巴事件，令大眾再次關注起欺凌問題，娛樂圈中亦有不少藝人關心欺凌問題，當中包括大馬女神林明禎。
明禎PO出拍攝花絮。
明禎於 9 號喺社交平台PO出多條，自己着上校服於某校園拍攝嘅花絮。喺片中明禎被同校女生圍堵於牆角，典以手大力掐住其臉蛋，而另一女生則粗暴地以Marker於其臉上塗寫，無論明禎點解掙扎都擺脫唔到二人。另一條黑白片，明禎則後背靠牆癱坐於地上，身前嘅女生則不斷以濕紙巾擲向佢，透過短短幾十秒片，都感到明禎有幾無助。
畀人用Marker畫面。畀人用Marker畫面。
雖然以上劇情都只係拍攝需要，但明禎就想借呢啲片段嚟幫助受過欺凌嘅人，佢喺帖文中寫道：「雖然都會宣導受害者『勇敢說出來』但很多受害者因為種種原因不好說、不知怎說、權力關係不對等 ，寧願自己忍受。希望此時此刻的你們，如果當下有朋友、有老師、有家人，哪怕多一隻貓咪可以陪你走過難關🙏🏻希望你們找到『對的人、對的時機、對的方式』釋放自己的情緒。希望你們能立即尋求協助，你們辛苦了，不是你們的錯。你們很棒🥺」
被用濕紙巾擲。被用濕紙巾擲。
明禎指喺呢短短嘅拍攝過程中，已經體驗無數嘅無助與恐懼：「結束後心裡一直好不舒服但又要裝作沒事準備下個拍攝，不敢想像有多少人經歷肯定比這更為嚴重可怕的遭遇。」同時亦提醒大家唔好成為霸凌者。
呢個樣太慘喇。明禎嘅媽媽同細佬都有嚟探班。