Chantel讀書兼唱歌壓力排山而來 與Felix校園分享意志堅定獲佳績

姚焯菲 同 林智樂 呢日參與一間中學嘅校園演出，Chantel同Felix大受現場同學歡迎，佢哋先後為大家獻唱，又分享面對逆境時嘅處理心態，而Chantel於海外讀書又要兼顧歌唱事業，佢就指為自已打氣加油非常重要喇。

Chantel同Felix參與校園活動，同同學仔分享抗壓處理經驗
Chantel指當時其實覺得非常辛苦，仲有放棄嘅念頭，仲話考公開試時係以意志堅持。最後Chanel嘅努力最終亦有非常好成果，公開試嘅優異成績仲獲母校表揚。佢又提到正面對揀選大學之路嘅頭痛過程，心情非常矛盾咁話。
Chantel話喺新西蘭讀書面對公開試壓力，又要同步做歌手一啲都唔易

日前佢拍片自彈自唱，不過大家就錯重點對佢屋企嘅巨廳非常讚嘆，Chantel就指係偶有失手，本來係想比大家睇睇部靚琴咋。而Felix就被爆將會有一個非常精彩嘅表演，Chantel仲叫大家一定要期待呀。

早前一條自彈自唱片，屋企環境成為焦點