吳若希出席粉絲聚會獲創意禮物 預告將主持直播綜藝節目

吳若希（Jinny）日前同粉絲大搞BBQ聯歡，唔只有本地粉絲到場，更有粉絲特地從內地到香港參與聚會，加上Jinny老公Alex同一對仔女都有嚟，令Jinny大感暖心。Jinny話見返一啲忠粉都感到好開心。 

Jinny同大班Fans齊齊BBQ聚會，老公亦同一對子女出席

Jinny一向容易同粉絲玩成一片，喺聚會上佢仲親自主持玩Bingo遊戲，Jinny一對小朋友都玩得相當投入。而Jinny呢日更收到一眾粉絲精心為佢準備嘅禮物，就係成件都印有大頭嘅羽織，以及一本利用Jinny喺《青春本我》舊劇照造成封面嘅風水書，Jinny讚大家有創意。 

有朋友將佢《奔跑吧!勇敢的女人們》嘅大頭造成外套作禮物

又自製DIY運程書，非常有心

Jinny主演嘅劇集《香港人在北京》、《奔跑吧！勇敢的女人們》口碑非常好，大家好受落佢演喜劇，但Jinny希望自己將重心放喺音樂上。Jinny透露即將主持一個以直播方式進行嘅綜藝節目，之前參演嘅劇集《巨塔之後》亦喺今年播出。

Jinny唔止有份演出嘅劇集將會推出，佢仲指將主持一個直播節目