與粉絲BBQ慶祝勁歌金榜首位 黃劍文挑戰主持節目壓力大

黃劍文 呢日同Kimchi  Family一齊BBQ， 慶祝新歌《默默》成為勁歌金榜冠軍。Kimman仲開心到攞住支香檳同粉絲一齊分享，佢話第一次攞到勁歌金榜冠軍，覺得又驚喜又感動，呢8年努力默默耕耘，終於獲得認同。

黃劍文嘅《默默》成為勁歌金榜冠軍，呢日佢就約大班歌迷一齊慶祝喇
佢又話要感謝《中年好聲音》比賽，唔單止令更多人認識佢嘅音樂，亦為佢吸納咗唔少粉絲，見到粉絲嘅版圖越嚟越大，佢亦好感恩，而嚟緊會繼續做好音樂答謝大家嘅支持。
仲即場開香檳同大家分享喜悅

除咗歌唱事業之外，Kimman亦會挑戰主持飲食節目，不過佢就有啲壓力喇，事關佢話擔心自己詞窮，唔識形容美食嘅味道，所以Kimman話都會參考返以前嘅節目做好準備。

唱歌之餘Kimman亦即將會主持一個飲食節目