吳紫韻誤將陣痛當腸胃炎 順利剖腹誕下7.23磅B女

前 TVB娛樂新聞台主播 吳紫韻Purple 去年10月低調嫁圈外富二代男友，並於同年年底宣布陀B。時間過得超快，眨吓眼Purple就已經順利誕下可愛嘅BB女喇！
吳紫韻Purple 剖腹誕下B女！
Purple 喺13號晚於社交平台晒出多張B女Etta嘅照片，原來喺個幾星期前Etta已經悄悄嚟到呢個世界喇！由於Etta係提早報到，所以Purple話自己係完全冇心理準備下入院，佢指當日自己起身就胃痛，起初仲以為自己係腸胃炎，由於一直都好唔舒服，所以引起老公懷疑，指腸胃炎嘅症狀唔應該係咁，於是就車佢去醫院睇醫生。
Purple 分享生B前嘅烏龍事。
當去到醫院時，搞笑嘅一幕就發生喇！當時姑娘問完Purple懷孕第幾週後，就露出一個哭笑不得嘅樣，反問返Purple係咪分唔清楚咩係陣痛！知道鬧出烏龍後，姑娘幫Purple做檢查，確認佢已經作動，於是佢就被推入產房剖腹分娩，Purple喺帖文中寫道：「那一刻我真的反應不到 。。明明定了幾天後才開刀..以為自己看了醫生便可以回家。」Purple指幸好一切順利，又透露Etta重7.23磅，係一個中size BB，而家佢呢位新手媽媽亦開咗坐月生活喇！
Etta好可愛呀！
而家Etta已經返咗屋企喇！BB Etta