影視娛樂博覽｜黎明籲業界堅持努力創新 Josie簽醫生擔正新片古仔考慮跳舞

今年嘅 香港影視娛樂博覽 正式開幕，大使 黎明 出席開幕儀式，亦都勉勵行內嘅從業人員繼續努力，相信付出一定會得到好成績，又希望加入行業嘅新一代，以耐性、創新同努力靜候機會，幸運總會降臨。

黎明再次擔任影視娛樂博覽大使
而同日香港國際影視展亦都開幕，唔同電影公司亦都公佈來年新企劃，其中 何超儀 陳子聰 夫婦嘅電影公司同步慶祝成立20周年，Josie就指非常開心理過往作品都得到唔少觀眾認同，而大病康復非常精神嘅子聰，呢日仲同佢哋早前簽約成為演員嘅靚仔醫生一齊現身Iman，仲公開驚慄新作嘅片花，Josie仲指5部新作都會由Iman擔正任主角。
Josie同丈夫陳子聰嘅電影公司成立20周年，新近仲簽約靚仔醫生Iman擔正幾部新戲

早前拍完靈異作品嘅Josie，又笑指希望拍其他題材，因為每次拍完恐怖作品都會遇到怪事咁話。

另一盛事，第49屆香港國際電影節亦都會於下月舉行，大使 袁澧林 同今屆焦點影人 古天樂 呢日就出席記者會，當中10部古仔舊作就由佢親自選擇，認為可以代表自己多年來嘅唔同面向。被問到《城寨》喺唔同頒獎禮都有不俗成績，佢就覺得非常大鼓舞，而導演會頒獎當日被起哄叫唱歌，古仔搞笑回應不如跳埋舞，呢日佢笑言自己係被演戲耽誤嘅跳唱歌手，仲話考慮做 林峯 演唱會嘉賓呀。

袁澧林同今屆國際電影節焦點影人古天樂現身記者會