天王黎明陪7歲愛女出席學校運動會 全程企旁邊打氣露出慈父笑容

天王黎明（Leon）自2018年升呢做爸爸後，除咗開工日子之外，就係同阿女享受家庭樂，黎明5月將喺澳門十場個唱，未開始忙於綵排前，當然要盡量抽時間陪住「明福女」，眨吓眼，7歲愛女已升讀小學，噚日天王就現身阿女嘅學校運動會，更露出一臉慈父笑容。

黎明5月將喺澳門十場個唱，未開始忙於綵排前，當然要盡量抽時間陪住「明福女」。
有報道指黎明當日身穿白色運動外套配黑色長褲，企喺運動場旁邊，一直默默咁望住阿女，為「明福女」打氣，阿女更遺傳天王嘅身高，7歲「明福女」身高已到爸爸半腰，有指輪廓同黎明似足餅印咁！

黎明早年唯一公開嘅愛女照片。