中聲猛將出訪美加演出 大批Fans送機輝智笑稱尷尬

譚輝智 劉威煌 李佳 同 龍婷 呢日出發飛往美加登台，現場仲早早就有佢哋嘅Fans送機，又逐一同偶像合照，令機場非常熱鬧，不過FC就笑指覺得有啲尷尬，仲指以前出門留學只係得父母送機，對比太過大咁話。

譚輝智嘅大班歌迷到機場歡送佢首次去美加登台
原來Fans話因為FC首次出遠門登台，所以隆重其事送行。而威煌亦係首次有大班Fans送機，仲話估計試多幾次就會習慣咁話喇。今次亦係FC首次前往北美，威煌就話本來打算把握時間安排吃喝玩樂，不過一睇緊密時間表就決定放棄喇。
威煌原本仲為FC安排活動，不過一見到行程之後就無奈放棄喇

而再訪當地嘅李佳就話非常期待，而龍婷不時有Fans飛返港支持，今次自己飛去當地開騷，就話要好好回饋歌迷咁話喇。佳佳今次飛完一返港就要準備爵士樂演出，佢仲擔心會忍唔到口食太多嘢呀。

龍婷話今次終於係自己飛去當地為歌迷演出

李佳就為準備返港就舉行嘅表演，所以要全程忍口呀