奪命提示‧花絮丨劉穎鏇跳舞搔首弄姿活力十足 密密加練越跳越好

由文偉鴻（Jazz）監製嘅TVB新劇《奪命提示》噚晚首播，劉穎鏇（Tiffany）喺劇中不乏性感造型，見佢一時化身硬橋硬馬嘅打女、一時要跳舞搔首弄姿，Tiffany笑言二揀一，佢會覺得拍打戲比較容易啲。

作為跳舞新手嘅Tiffany，對於活力十足嘅舞步，舉手投足真係被考起㗎！Tiffany話一向對跳舞冇乜概念，平時亦好少跳舞，今次佢要密密加練舞步，Tiffany都覺得整件事好有新鮮感，若果10分滿分，呢次Tiffany畀自己7分，佢希望再努力啲，之後有機會越跳越好睇！