奪命提示｜演員商場宣傳型爆登場 雙朗激吻劉穎鏇郭柏姸

動作懸疑新劇《奪命提示》首播，一眾演員包括 張振朗 劉穎鏇 劉佩玥 丁子朗 郭柏姸 齊齊現身，仲拎住槍狂Chok唔同甫士，Tiffany同Rosita更齊齊曬腿又露腰非常搶鏡，佢哋又向圍觀途人派發劇中海報，又播放幾條花絮片段，搞到現場氣氛非常熱烈。
《奪命提示》嘅成員到商場宣傳新劇

首次扮演情侶嘅佢哋，又現場示範樹熊抱，而花絮當中Tiffany被狂吻一場，Owen就話非常享受，至於明明好似係一對嘅佢哋點解會有咁嘅劇情出現，大家就要留意劇情播出喇。
Tiffany更被Owen激烈狂吻
Rosita今次會一改過往形象，亦同丁丁有感情線

丁丁同Rosita一樣有激吻場面，一向形象乖女嘅Rosita仲會以性感形象登場，而丁丁仲話拍攝時緊張多過尷尬喇。今次打到暈嘅阿Moon，雖然自爆開拍初期手腳協調麻麻而遇到唔少困難，不過監製 文偉鴻 就指，阿Moon之後嘅表現直情可以話脫胎換骨，仲大讚佢大騷女一嘅霸氣咁話呀。
阿Moon嘅動作演出遇到唔少困難

監製Jazz就話經過改造嘅Moon脫胎換骨喇

《奪命提示》星期一至五晚 20:30 翡翠台