奪命提示丨劉穎鏇首集與陳山聰對打周身傷 孖張振朗拍槍戰興奮歡呼

TVB新劇《奪命提示》將由3月17號播出，劇中有唔少高強度動作場口，劉穎鏇Tiffany 首集以多個性感造型登場，努力keep好身形嘅佢，仲好畀心機完成眾多動作戲份。
Tiffany首集就已經打唔停。
呢場Tiffany要同陳山聰對打，仲要吊威也完成飛踢動作，Tiffany打至周身傷，成隻手都腫晒，搞到山聰都忍唔住要拎冰袋幫可憐嘅Tiffany敷冰，仲笑指做打女係咁。而Tiffany呢日身穿性感小背心同熱褲，要喺冬天拍攝打戲，加上有濕身場口，凍到佢要做運動暖身。
陳山聰幫Tiffany敷冰。陳山聰幫Tiffany敷冰。
另一場Tiffany就要同張振朗拍槍戰戲份，相對之下冇咁辛苦，拍攝完仲興奮歡呼，Tiffany要用真槍拍攝，佢都要時間適應震撼嘅槍聲，有試過挑戰唔戴耳塞同唔眨眼，最終都係唔成功！

《奪命提示》3月17日起 逢星期一至五 20:30 翡翠台
另一場Tiffany就要同張振朗拍槍戰戲。