大師兄玩轉Easter感謝祭丨張振朗笑指劉穎鏇鬥智能力弱 冼靖峰慘成兩隊夾攻目標

TVB新劇《奪命提示》一眾演員張振朗、劉穎鏇、丁子朗、郭柏姸、楊卓娜、鄧智堅及監製文偉鴻作客《大師兄玩轉Easter感謝祭》，對戰《香港原味道》嘅冼靖峰、孔德賢、黃劍文、潘靜文、莊子璇同王汛文。

TVB新劇《奪命提示》一眾演員張振朗、劉穎鏇、丁子朗、郭柏姸、楊卓娜、鄧智堅及監製文偉鴻作客《大師兄玩盡Easter感謝祭》。

myTV SUPER全天候收睇《奪命提示》

智堅笑指張振朗做咗視帝就唔肯做粗重嘢。

《奪命提示》一班演員喺劇中就打到手起槍落，體能方面絕對冇問題，但講到玩遊戲，除咗鬥氣仲要鬥智，視帝朗同丁丁就話今日嚟玩遊戲只係鬥智。問到鬥力係咪留畀劉穎鏇負責，視帝朗笑言話係，因為鬥智方面劉穎鏇同其他隊友就差少少，同隊嘅卓娜同智堅聞言話要佢哋只出力係唔公平，因為佢哋一把年紀，智堅仲笑指做咗視帝就唔肯做粗重嘢。

講到玩遊戲，除咗鬥氣仲要鬥智，視帝朗同丁丁就話今日嚟玩遊戲只係鬥智。

至於《香港原味道》呢邊體力就唔夠人嚟，但係佢哋勝在夠齊心，仲諗埋口號，擺明想喺賽前先聲奪人。聽到視帝朗話唔會禮讓，潘靜文同隊友就話佢哋都唔會讓賽，而冼靖峰成為自己隊友同敵隊夾攻目標，佢就顯得好無奈，仲望住身邊嘅孔德賢問「你會幫我」，點知換嚟一句「幫唔到你幾多」。

《香港原味道》呢邊體力就唔夠人嚟，但係佢哋勝在夠齊心，仲諗埋口號。《香港原味道》嘅冼靖峰、孔德賢、黃劍文、潘靜文、莊子璇同王汛文迎戰。