陳柏宇率同門大曬冷舉行音樂派對 情歌企劃特展吸引數千樂迷打卡

陳柏宇所屬嘅唱片公司早前推出全新情歌企劃推出七首情歌，更將企劃實體化喺一個商場舉行特展，現場設四大專區：愛情錦囊一番賞、愛情運勢籤文扭蛋、強帖留名交流區、Free Snap 等等。企劃嘅七位歌手不時「當值」充當愛情顧問為幸運粉絲解困惑，十日特展吸引數千人參加同打卡。

陳柏宇所屬嘅唱片公司早前推出全新情歌企劃推出七首情歌，更將企劃實體化喺一個商場舉行特展。
去到特展最後一日七位歌手大曬冷，陳柏宇(Jason)、黃妍(Cath)、葉巧琳(Mischa)、力臻、Michael C、吳崇銘(KING)、布志綸 (Alan) 舉辦情歌音樂派對，首度現場獻唱七首情歌。

去到特展最後一日七位歌手大曬冷，首度現場獻唱七首情歌。
七首情歌代表七個愛情階段，Mischa打頭陣帶嚟《沉船啟示錄》，唱出暗戀者經歷「沉船」階段心聲， KING驚喜伴舞同ad-lip；接住由 Alan 同 KING 合唱《你知否我是誰》，大談單戀同「做兵」之苦；隨後有 Cath、力臻同 Michael C合唱《難道要問感情語錄》，代表為三角關係展開序幕；之後由 Cath 獨唱《悲劇女主》，道出失戀者嘅心酸；代表著熱戀期嘅《你是我的專屬配對》則由力臻同 Michael C 化身 CP 合唱; 緊接著有 Jason 以《愛要親自遞給你》為單身人士打氣；最後 Jason 聯同 Michael C 將新鮮出爐嘅《「大丈夫」日記》獻畀天下間嘅情侶同夫婦，以呢首甜蜜情歌作結。

Jason聯同Michael C將新鮮出爐嘅《「大丈夫」日記》獻畀天下間嘅情侶同夫婦，以呢首甜蜜情歌作結。
《「大丈夫」日記》同一首電影主題曲名字相似。負責作詞嘅Wyman 黃偉文解釋歌名構思源自周潤發於 1988年推出嘅電影同名主題曲《大丈夫日記》﹐因為原曲 demo 已有日文「Daijōbu」呢一個字，認為同旋律好配合，於直接保留。Wyman補充：「呢首歌想講談戀愛有好多堅持，真愛需要經歷好多劫難同大大小小嘅問題，得閒其實可以關心問吓另一半一句：『大丈夫？(Daijōbu) (日文的沒問題嗎)』就已經好足夠。」

十日特展吸引數千人參加同打卡。