張馳豪邀詹天文玩Dance Challenge 十分鐘夾舞展現完美無暇舞姿

張馳豪Aska 、詹天文Windy 、張天穎Jaime、力臻同Michael C幾位年輕歌手獲邀為一個電台演出廣播劇，咁多位演出者中Windy年紀最細，又未試過擔正演出廣播劇，所以佢顯得特別緊張，一開始因為好生疏，所以放慢語速慢慢掌握。而Aska則覺得無論在演釋及語氣方面都好好玩，更向Windy大派貼士，叫佢放心演釋。而張天穎對廣播劇完全係新手，趁機向幾位師兄偷師。
張馳豪
Aska最近推出新歌《Catch A Feeling》，仲揾嚟Windy一齊拍片玩Dance Challenge，見Windy輕鬆駕馭呢個舞步，而且只係用咗十分鐘去學跳，真係好快上手。Windy話拍片當日未夠時間，只係學得一節舞步，其實都有難度，因為有啲動作唔熟練會好奇怪，幸好自己嘅演繹都OK，仲話如果反應好，佢會學埋完整舞步同Aska再跳一次俾大家睇。
詹天文
稍後Windy會演音樂劇，現正積極排練，由於要同時應付跳、唱同背台詞，令佢有一定壓力，不過佢仍然好想挑戰角色，因為內容講中學時期，Windy去年才考完DSE，覺得好有共鳴，睇到劇本都忍唔住喊。
張天穎