譚詠麟孖曾志偉日本掃地道美食 投訴老友帶食天婦羅

校長譚詠麟喺圈中有「食物焚化爐」之稱，無論去世界各地工作定旅行，佢都會捐窿捐罅搵好嘢食，兼且唔會自私食，而享受相約朋友開心食。

校長日前相約老友曾志偉到日本玩，平時兩位大忙人，難得抽到時間好好享受假期。
校長日前相約老友曾志偉到日本玩，平時兩位大忙人，難得抽到時間好好享受假期，當然要過吓慢活嘅生活。校長喺社交平台分享咗同志偉一齊喺大阪嘅公園享用早餐嘅相，之後志偉帶咗佢去神戶午餐，因志偉唔食吃牛肉，所以只係帶老友食天婦羅，而且大部份都係菜，令校長忍唔住出帖文「投訴」！

志偉帶咗佢去神戶午餐，因志偉唔食吃牛肉，所以只係帶老友食天婦羅。由於大部份都係菜，令校長忍唔住出帖文「投訴」！

帖文一出引起網民熱話，有網民笑指志偉居然帶校長去食素，校長肯定有少少怨念。另有網民話指去神戶唔食牛肉，就好似去香港睇校長演唱會卻過門而不入，惹嚟網民一連串極富趣味同創意嘅留言。

惹嚟網民一連串極富趣味同創意嘅留言。
雖然大家擔心校長食得唔夠飽同唔滿足，不過佢喺接住嘅帖文就分享咗同志偉品嚐日本著名長腳蟹，校長稱「天婦羅之後味道一轉，好味到不得了。飽得滯，仲要飲杯咖啡落格，唞一唞」，就知校長食得幾咁滿足，對老友嘅安排真係SUPER！

雖然大家擔心校長食得唔夠飽同唔滿足，不過佢喺接住嘅帖文就分享咗同志偉品嚐日本著名長腳蟹。

校長仲飽得滯，要飲杯咖啡落格。

不少網民都感覺到校長食得幾咁滿足。