姚焯菲玩Dancing Challenge騷瘦身成果 小蠻腰搶鏡與張馳豪獲封陽光兄妹

張馳豪Aska 早前推出新歌《Catch A Feeling》大受粉絲歡迎，佢嘅舞姿更令一眾鬆馳熊睇到哇哇聲。除咗粉絲賣力支持新歌外，Aska 亦向身邊好友下戰書，展開歌曲嘅Dancing Challenge，譚輝智、鍾柔美Yumi 、詹天文Windy 等都先後接受挑戰，而最新加入挑戰嘅就係Chantel姚焯菲喇！
Chantel同Aska被封「陽光兄妹」Chantel騷出小蠻腰。
片中Chantel露出小蠻腰騷馬甲線，性感得嚟又充滿青春活力，同身後嘅Aska一齊跳舞，魅力逼人。Aska喺帖中寫道《Catch a Feeling》任務no.10完成，叫大家如果想睇再多啲嘅就留言喇。
Windy同Aska輝智都有玩Dancing Challenge
除咗引嚟粉絲蜂擁點讚外，就連喺節目《聲生不息‧大灣區季》同Chantel合作過嘅衛蘭Janice 都有留言點讚：「Awww my babygirl Chantel」。唔少網呢留言讚Chantel嘅身形fit爆「真的現馬甲線！」「可以跳得好power，又可以跳得很柔，犀利，Aska都跳得好好睇，兩個好夾，又一新發現」。亦有網民封呢個組合為「陽光兄妹」，「菲」常養眼，可能關注Chantel嘅留言太多，令網民們都有啲唔好意思，留言表示：「唔好意思Ka哥，小編嘅目光不禁去咗Chantel度。」
Aska同 Yumi
此外，Chantel亦好快會有新作推出，令一眾小菲象好期待，Chantel嘅粉絲後援會已經為呢個喜訊作好準備，喺專頁出Po指充滿突破嘅跳唱新歌《New Fantasy》將會在4月初推出啦！後援會指由於上次Chantel推出個人單曲時身處海外準備公開試，未能返港參與宣傳，所以今次再出歌，而Chantel又正好喺香港工作，所以後援會直言要大家鼎力支持，仲召喚有能力嘅「小菲象」參與是次集資！而集資金額最高嘅第一至五位，將有機會同Chantel同遊香港迪士尼樂園並共進午餐或晚餐。
Chantel嘅粉絲後援會召集大家。