龍婷與王靜向已故30年鄧麗君致敬 開騷前和中聲家族美加登台熱身

今年係鄧麗君逝世30周年，精於獻唱鄧麗君金曲嘅中聲唱將龍婷會聯同內地歌手王靜舉行慈善交響樂音樂會紀念鄧麗君小姐，龍婷亦喺記招上獻唱一曲《你在我心中》，以歌聲顯出魅力。開呢個騷一直都係龍婷嘅心願，難得今次仲有獅子會以及強大嘅歌迷力量，一定會傾力演出，加上王靜嘅演繹，龍婷拍心口寫包單個騷一定好睇，放膽叫朋友嚟支持。
龍婷 王靜
音樂會雖然喺五月先舉行，不過龍婷開騷前工作不斷，又要宣傳自己推出嘅新歌，稍後又會同李佳、譚輝智、劉威煌去美加開騷，四位中聲家族合作令人期待。而另一樣令龍婷歌迷期待嘅就係佢嘅新歌，但龍婷對作品大賣關子，仲話故事長篇，留待推新歌當日再同大家講解。

龍婷嚟緊將會同幾位中聲成員去美加開騷。