TVB選秀節目《中年好聲音》經過幾輪試音及面試後,100強終於出爐,之前31位參賽者率先現身記招,有眼利嘅網民即時重溫佢哋面試嘅表現,當中有明星家屬、參加歌唱比賽曾入行嘅朋友、另有靠把聲殺入100強嘅素人。
明星家屬就有「黑妹」女兒蔡穎秋唱《藍雨》、鄺文珣老公應德榮唱《沒聽過的歌》、曹敏莉細妹曹敏寶唱《P.S.我愛你》,水準不錯;而素人參賽者李子俊唱《甘心替代你》把聲跟鄭伊健幾似,演唱黃梅調嘅戚愛蓉唱《郊道》,傅劍華唱《新鴛鴦蝴蝶夢》穩定發揮、鮑聖光自彈自唱《Fly Me to the Moon》。
歌手何弘軒(Alan)唱《手放開》、陳曙輝唱《Kiss Goodbye》、曾出道嘅歌手羅金榮唱《喜歡你》,羅金榮患有情緒病10年,因食藥影響令佢嘅聲底改變,羅金榮笑說:「有啲人覺得佢而家把聲仲有嗰種滄桑味,呢次比賽希望有機會喺一個大舞台發揮自己,想做嘅自己心目嗰種音樂風格嘅歌,唔好畀人覺得有老態嘅感覺,自己年紀唔細,不過可以crossover到八、九十年代嘅廣東歌,希望有新演繹方式。」
《中年好聲音 向夢想再出發》將會喺11月5日 22:30喺翡翠台播出,有興趣睇更多參賽者面試片段嘅觀眾,到時記得準時留意收睇!
![東張+ | myTV SUPER 24小時即時新聞 本地、國際時事熱話 東張+ | myTV SUPER 24小時即時新聞 本地、國際時事熱話](/tc/scoopplus/img/logo.png)
登入後即可查看我的收藏
登入後即可查看瀏覽記錄
![myTV SUPER myTV SUPER](/tc/scoopplus/img/img__header_superlogo.png)
![myTV SUPER myTV SUPER](/tc/scoopplus/img/icon__header_gosuper.png)