C AllStar成員King聖誕報喜 與圈外女友已註冊兼生B

C AllStar成員King聖誕報喜 與圈外女友已註冊兼生B

C AllStar 一連三場嘅戶外演唱會喺聖誕夜吸到尾場，當中成員吳崇銘阿King，就選擇喺呢個普天同慶嘅日子同大家分享自己榮升爸爸嘅消息，而成員為咗恭喜阿King同BB，佢哋就唱出串燒歌曲，令全場fanshigh爆。

講到點解會揀呢日公佈喜訊？King就話自己一直都好想公佈，但就話好似搵一日普天同慶嘅日子嚟講好似會好啲，適逢C AllStar開演唱會，所以佢同幾位兄弟夾完，就決定喺呢日公佈。

King表示太太係圈外人，都係近幾年應該，好快雙方都覺得適合，King又話已經同太太註冊咗，但因為疫情關係所以未有擺酒嘅打算，一切都等疫情後再決定。

CAllStar話下次合體係幾時就未知，但係而家佢哋都各自有出歌，Jase笑言佢哋唔只會生BB，仲會生歌呀。

#CAllStar #吳崇銘 #DJKing #榮升爸爸