TVB台慶特備節目《回家》,每集請唔同嘉賓分享佢哋喺屋邨生活嘅故事,今集邀請曾經喺屋邨生活十幾年嘅視帝黎耀祥,呢日祥仔重返40年前生活過嘅地方拍攝,祥仔探吓啲街坊,又即場為街坊量血壓、幫手派米及送口罩,黎耀祥大受街坊歡迎,不少人認得出祥仔並要求合照,勾起佢屋邨生活回憶,祥仔覺得好開心。
祥仔最難忘係屋邨生活點滴,受訪時更有街坊大叫「祥仔」,祥仔亦笑晒跟對方打招呼,佢回想屋邨配套齊全,生活用品一應俱全,祥仔指以前媽咪住喺呢個屋邨,佢得閒就同媽咪喺附近食飯飲茶,老人家嘅活動範圍就係喺屋邨,有好多社交活動,祥仔有時亦一齊參與,滿載歡樂回憶。
呢日節目組搵嚟祥仔昔日藝訓班好友兼舊街坊吳瑞庭再聚,佢哋已有20年冇聯絡,久別重逢依然雞啄唔斷,祥仔指吳瑞庭以前住順安邨,而祥仔則住順利邨,二人由於係同期訓練班出身,做路人甲乙丙通常一齊開工,當時二人非常熟,由訓練班到而家識咗三十幾年,祥仔解釋:「當時佢(吳瑞庭)做咗七年就離開TVB,出外發展,最近先返嚟,好開心可以見到啲老同學,以前啲同學都散晒,有啲嫁人、離開咗呢行又有。」
祥仔同吳瑞庭更重溫昔日舊照,即場還原當時嘅甫士,吳瑞庭讚祥仔好重感情:「佢好嘢,一路keep,佢即刻send畀我,講真呢啲咁嘅嘢,唔係一個有念舊嘅人,係唔會有呢種感覺,雖然我都冇,不過我會問佢有冇。」祥仔笑指吳瑞庭唔見晒啲相,嗰時佢哋有約去街,跟朋友食飯睇戲。
祥仔則讚吳瑞庭夠靚仔:「我只係記得地址係旺角,唔記得點解影咗呢張相,佢影相好正經,佢好靚仔,根本都唔使郁,我哋呢啲又唔靚仔,成日整蠱做怪,注定佢係偶像派、我係行性格演員,呢張相係一個好好嘅回憶。」
![東張+ | myTV SUPER 24小時即時新聞 本地、國際時事熱話 東張+ | myTV SUPER 24小時即時新聞 本地、國際時事熱話](/tc/scoopplus/img/logo.png)
登入後即可查看我的收藏
登入後即可查看瀏覽記錄
![myTV SUPER myTV SUPER](/tc/scoopplus/img/img__header_superlogo.png)
![myTV SUPER myTV SUPER](/tc/scoopplus/img/icon__header_gosuper.png)