周柏豪返港宣傳新歌 朝朝起身湊女攰但快樂著

近年專注喺內地工作嘅 周柏豪 ，近日正式返港為新歌宣傳，呢日佢去到電台接受訪問，就提到要用盡時間陪伴太太同一對子女喇。柏豪仲話雖然細囝唔少成長過程自己都錯失咗，不過就可以靠睇片全時間重溫喇。

雖然返到香港，不過柏豪就話其實一樣忙，隨時仲忙過開工，因為日日都要幫手照顧小朋友返學，仲話體會到家人有幾攰，不過自己參與就覺得好開心喇。而老友 連詩雅 即將結婚，問到會唔會由一對小朋友擔任花仔花女時，佢就話有啲擔心阿囡會搶咗新娘焦點，所以都係等Shiga真係提出要求先再算喎。