傳何超蓮4月峇里嫁竇驍 5千萬超豪婚禮廣邀賓客

同內地男星 竇驍 2019年宣佈拍拖嘅何家千金 何超蓮 傳出4月將會喺峇里舉行世紀婚禮出嫁嘅消息。據報道指，超蓮同竇驍復活節期間將會喺印尼度假勝地峇里舉行盛大婚禮，仲會廣邀名人明星好友出席，同超蓮一向老友嘅GEM仲會誓任伴娘，而一眾好友JW、薛凱琪等都係受邀賓客。

早前到日本賞雪旅行嘅一對準新人，傳正為下月嘅過大禮儀式準備，男家隆重其事更準備千萬金器酥脆珠寶予準新抱。

除咗超蓮傳即將結婚之外，佢嘅家姐 何超雲 早前亦傳出同任職消防隊長嘅Douglas定婚，早前仲罕有公開兩手拖手合照，被視為公開認愛喜事近嘅訊號，唔知今次何家係咪雙囍臨門，喜上加喜呢？

(網上圖片)