請1日假去旅行丨嘆500港元銀座Omakase抵到癲推介和牛燒肉放題+吞拿魚極刁鑽部位CP值超高

旅遊資訊節目《請1日假去旅行》逢周四及周五晚上10時30分於翡翠台播映，今周播出「東京篇」由兩大日本通周奕瑋（Jarvis）、陳嘉慧（Erica）擔任主持。 Jarvis、Erica一落機就衝去買Skyliner套票，慳住遊東京。

Jarvis、Erica今次選擇住喺上野，推介去業務超市買平價飲品。

業務超市罐裝咖啡只要2.5港元
今晚播出第一集，Jarvis、Erica從東京成田機場落機後，乘搭Skyliner到上野下榻酒店，Jarvis介紹大家到業務超市購買平價飲品，2L礦泉水盛惠約4.5港元，罐裝咖啡只須2.5港元，相當便宜。 2L礦泉水盛惠約4.5港元！罐裝咖啡＄2.5港元！
Jarvis、Erica行程首個晚餐，出發到銀座歎Omakase，咪以為銀座一定好貴，人均只需8,740日圓（約500港元），餐廳格局及食物質素絕不欺場，其中濱鯛壽司更令Jarvis一試難忘：「我覺得佢係一條好有活力嘅鯛魚，咬落去係仲Feel到佢郁緊嘅嗰種感覺！」Erica則鍾情穴子壽司：「我住咗日本咁耐，呢件係我食過最好食嘅穴子！」

夜晚就去咗銀座大歎平價Omakase，餐廳嘅格局一啲都唔失禮人。濱鯛壽司更令Jarvis一試難忘。平價Omakase人均只需8,740日圓（約500港元）!
講到喺銀座歎平價Omakase，Jarvis受訪時透露：「當地嘅電視台都有嚟採訪，我哋好努力練好啲日文同佢哋做訪問，點知最後佢都係出咗啲我哋講廣東話嘅花絮，原來佢哋想表達連外國人對呢間壽司店好有興趣，我哋講日文可能會令人誤會我哋唔係外國人，所以我哋擺咗個大烏龍，嘥咗啲緊張同練習！」
食完Omakase，佢哋去咗銀座新興潮點甜品街Sweet Sweet～

東京朝聖搭訕勝地
聽晚嗰集Jarvis同Erica第一站去澀谷新興潮點宮下公園，該處係擁有19間食店嘅美食街，除咗可以一次過食勻日本各地美食外，更係當地年輕人嘅搭訕勝地。Jarvis同Erica點咗以滅火沙桶作器具嘅Mega Drink，上演小劇場教大家搭訕常用日語，場面過癮；之後兩人猜包剪揼輸賭「誰要搭訕」，結果猜輸嘅Jarvis要出動撩女仔。
如果唔好甜品，可以去平價雜貨店掃貨。

460港元兩小時任食和牛
Jarvis、Erica繼續帶大家食好西，兩人先去推介CP值超高嘅和牛燒肉放題，只要7,980日圓（約460港元）可任食兩小時和牛，相當抵食！針對唔食牛嘅觀眾，兩人推介可以大歎吞拿魚刁鑽部位嘅吞拿魚專門店，如每條魚只有0.8%嘅魚腮背、吞拿魚心臟及腦天（即頭頂肉）等，當中最過癮菜式係「中落」，「中落」係吞拿魚骨架上嘅肉糜，客人獲發貝殼將之刮出品嚐，食到兩人舔晒脷！
佢哋仲去咗Outlet血拼，Erica即時換咗一身新裝。

三日兩夜人均消費只需3,000多港元？
去到行程最後一日，化身文青嘅兩人到隅田River Walk打卡，再喺晴空塔下野餐食人氣三文治。節目尾聲，兩人結算今次三日兩夜之旅使費，不連機票及住宿，人均只用3,000多港元，相當抵玩。
Jarvis、Erica去咗宮下公園朝聖。宮下公園嘅美食街仲係搭訕勝地。 Jarvis、Erica點咗Mega Drink上演小劇場教搭訕嘅日文應該點講。

Jarvis究竟會唔會搭訕成功呢？呢一集繼續有好東西食，Jarvis、Erica大歎和牛燒肉放題。和牛燒肉放題人均只要約460港元，CP值超高。唔食牛唔緊要，Jarvis、Erica另外還推介了吞拿魚專門店，有勁多好刁鑽嘅吞拿魚部位食。呢個就係「中落」。」，「中落」是吞拿魚骨架上的肉糜，客人會獲發貝殼將之刮出品嚐。最後一個行程，Jarvis、Erica喺晴空塔下野餐，Chill到爆。食咁多好東西都只係使咗3,000幾港紙，好抵玩呀！