樂壇天王黎明5月襲澳門開騷 門票3月24日公開發售

樂壇天王黎明宣佈將於5月1日起坐鎮新濠影滙綜藝館，舉行一連14場《黎明Stage on 8演唱會》，黎明一向能駕馭多種曲風，曾演繹無數膾炙人口之歌曲，包括《今夜你會不會來》、《夏日傾情》、《哪有一天不想你》、《只要為我愛一天》等，至今仍記憶猶新，風靡全亞洲。

自2016年《黎明 Leon Random Love Songs Live in Studio City2016》駕臨澳門開騷後，事隔7年再度於澳門登場，將於5 月及6月上演合共14場《黎明Stage on 8演唱會》。黎明亦好高興再度喺澳門舉行演唱會，每次策劃演唱會時，佢希望作出新嘗試或突破，上次佢喺同一場地舉行演唱會便首次利用航拍技術進行拍攝並同步直播；而今次尊屬系列演唱會更係將前所未有之駐唱演出文化帶到亞洲。

黎明今次5月及6月舉行演唱會同樣會貫徹佢嘅演出風格，為度身打造及編排全新演出內容，揉合最先進技術，為亞洲樂迷帶來嶄新舞台概念及表演，《黎明Stage on 8演唱會》於5月1日隆重登場，門票即將於3月24日公開發售，主辦方亦有會員專享9折優惠，並於明日起（21日）優先預訂門票，可享有專屬住宿套票禮遇。