周吉佩澳門開騷兌現與吉S粉承諾傾力跳唱 感激數十位中聲唱將撐場回憶湧現

周吉佩呢晚喺澳門開騷以自彈自唱揭開序幕，全場歌迷（暱稱為吉S粉）企晒起身，勁投入聽歌，吉吉不失親民作風，多次走落台下跟吉S粉互動兼派心心，冧爆現場粉絲。

吉吉嘅澳門演唱會氣氛一流
吉吉喺音樂會上鮮有公開家人照片，又跟歌迷分享自己對音樂追夢嘅熱誠，佢除咗演繹其他歌曲之外，更深情演唱自己嘅作品，吉吉回想比賽之後，自己得到更多認同，亦有更多演出機會，最珍惜就係前嚟捧場嘅每一位。
呢日佢仲非常感激入場嘅每一位歌迷

吉吉兌現跟吉S粉嘅承諾送上連串跳唱，坦言自信更勝從前，皆因吉吉唱嘅快歌，大家都耳熟能詳，唱起上嚟感覺既好爽又好玩；今次吉吉開騷有數十位中聲唱將一齊現身，吉吉喺綵排時見到一班好友企晒喺台上，佢已經忍唔住有啲抽搐，頓時腦海回憶湧現，佢好感激一眾好友前嚟支持。

幾十位《中聲》好友亦都有份上台同大家一齊玩

勾起唔少佢哋年前參賽嘅回憶