為拍戲學食煙明顯感受其害 隊友紛任人父王子唔心急

王子 呢日為一個肺癌病者關懷活動擔任嘉賓，曾經因身拍戲演出而學識食煙嘅佢，因為角色而吸煙9個月，仲明顯感受到身體嘅變化呀。雖然仍然年青，不過王子就話自己早已經有驗身習慣，仲會次次約埋朋友一班人齊齊去，當係去旅行咁話喎。

佢仲搞笑話，近來同朋友已經唔再傾邊到買潮牌，反而逐漸分享同健康運動等有關嘅話題呀。而好友 威廉 近日亦升呢做Daddy，加上 阿緯 同 小煜 一樣係爸爸級，雖然自己唔會急於追上進度，亦唔排斥扮演人父嘅角色呀。