乒乓混雙孖寶應邀推手錶 黃鎮廷杜凱琹Chok樣要熱身

先後三次勇奪世界乒乓球錦標賽季軍嘅香港乒乓球混雙組合 黃鎮廷 同 杜凱琹 ，近日獲港產手錶品牌邀請 ，攜手推出以乒乓主題嘅陀飛輪腕表，紀念合作十周年。二人以平時甚少見到嘅休閒形象拍攝宣傳照，加上乒乓戰衣展現唔同風格嘅魅力。

黃鎮廷同杜凱琹應邀為手錶品牌合作10周年拍宣傳照
兩位運動員要擺出唔同Pose又Chok樣，杜凱琹仲笑言比打波更有難度，而在旁嘅黃鎮廷仲搞笑話：「要做多啲熱身。」

叱吒球場獲唔少佳績嘅佢哋，笑言拍攝比起比賽更加緊張
 
品牌創辦人 沈慧林 指自己自細就喜歡打乒乓，對有機會邀請香港最強混雙組合合作非常興奮，仲笑言要向兩位名將請教打波心得，佢指：「有一次我同朋友相約黃鎮廷打波，佢用左手都輕鬆打敗我哋。

佢哋仲話希望可以繼續向大眾推廣乒乓運動呀
 
今年係黃鎮廷同杜凱琹合作第十年頭，佢哋對獲邀推出腕錶紀念非常高興，又表示有感乒乓運動愈來愈受商界同市民支持，係繼續努力爭取好成績嘅動力，同時希望透過唔同渠道推廣呢項有益身心嘅運動予市民大眾。