馬浚偉聲帶發炎服藥遇嚴重過敏 舌頭氣管腫脹出血照死頂開騷

馬浚偉 嘅6場《幸福 · 春夏秋冬》Ma’s Ter Mic演唱會」圓滿結束，雖然馬仔持續表演，但係原來佢自第3場就開始感冒，服藥後仲出現嚴重藥物敏感，舌頭腫脹出血口腔甩皮，要漏夜入院治療同打針。其中第4場演出時病情最嚴重，舌頭仲加腫脹至流血，馬仔為咗唔令觀眾失望，依然堅持如期演出，當晚工作人員更一直守候舞台旁邊，預備隨時為馬仔抹血。

馬仔嘅6場個唱結束，佢完騷後仲爆出驚人病情

演唱會完成之後隨即於舉行慶功宴，馬仔先透露透露：「做完第3場之後，因為天氣問題，聲帶有輕微發炎，食完消炎藥，但我對呢隻藥反應好大，當晚全身腫曬要入醫院。成個嘴、氣管、喉嚨全部脹曬，打針消腫都冇用，已經脹到粘膜全部裂晒，因為我係敏感底，爭啲死，條脷流晒血。第4場、第5場個嘴一路流住血唱歌，不過觀眾係完全睇唔到，係咪好勁呢！」

佢認為最重要係如常表演，自己身為表演者就要為觀眾落力演出

雖然咁嚴重，不過馬仔完全未有向觀眾透露自己嘅身體狀況，佢話：「我成日都話觀眾唔需要理呢啲，我哋做表演、藝術就要承擔呢啲問題，我唔會同任何觀眾講，最重要個騷好睇就得喇。」

馬仔同英華小學同學嘅演出令唔少觀眾都非常感動

馬仔亦對今次表演順利完成非常感動：「呢個係新嘗試，混合好多唔同藝術元素。我自問付出很多心思，團隊做咗好多功夫，但係我覺得好值得。」雖然馬仔謙虛只係話自己剛好合格，不過就俾滿分整個團隊喇。

自評僅僅合格嘅馬仔，指台前幕後嘅團隊表現滿分

而佢同英華小學同學一齊演出嘅《父親》感動唔少觀眾，仲有人忍唔住拭淚。馬仔話：「我正正想大家記住，當你生活中面對任何困難，邊個最後喺你身邊，就是親情、父母。當父母仍然健康時，多啲陪佢哋，多啲同佢哋相處，多啲同佢哋傾偈。」