張艾嘉兒子王令塵晒潮爆婚照 12.2迎娶拍拖7年內地超模 香港舉行盛大婚禮

張艾嘉兒子王令塵 (Oscar) 將喺12月2號於香港麗晶酒店舉行盛大婚禮及晚宴，迎娶女友游天翼，共續七年愛之契約，婚禮現場以溫暖橙橘色作為主色調，如同夕陽嘅餘暉，讓每位遠道而來嘅賓客能感受到如冬日暖陽般嘅溫暖。

張艾嘉兒子王令塵將喺12月2號於香港麗晶酒店舉行盛大婚禮及晚宴。

王令塵9歲時曾被綁架，歹徒向張艾嘉夫妻要求1,500萬港幣贖金，王令塵平安無事，但張艾嘉飽受驚嚇，停工3年陪伴兒子。

王令塵與游天翼相識於一場朋友間嘅聚會，兩人戀情始於7年前喺外灘初遇，為二人愛情拉開序幕，二人因工作關係不時分隔兩地，努力維繫異地戀，見證二人真心相愛，將思念嘅苦演化成相見嘅甜，彼此分外珍惜每次見面時光。王令塵喺拍拖嗰陣經常為女友游天翼拍照，記錄兩人甜蜜瞬間。

王令塵與游天翼相識於一場朋友間嘅聚會，兩人戀情始於7年前喺外灘初遇，為二人愛情拉開序幕。

擅長創意嘅王令塵將婚禮放心交畀女友游天翼，王令塵一向積極、外向、開朗似足早上太陽，而游天翼性格就似「回家時看到的夕陽」帶畀別人平靜。因此游天翼用溫暖嘅橙橘色作為婚禮現場主色調，如同夕陽餘暉，令整個現場氛圍溫柔而寧靜，溫暖燈光如夕陽墜入地平線，寓意住愛情係一場無法抑制嘅墜落。兩顆心共同追逐每一個浪漫瞬間嘅開始,迎接日出日落嘅輪回，王令塵同游天翼經過七年相處時光，將執手邁入新生活篇章。

王令塵同游天翼經過七年相處時光，將執手邁入新生活篇章。

金馬影后張艾嘉與富商王靖雄嘅兒子王令塵（Oscar）係一位跨界藝術家，出生於1990年，畢業於英國切爾西藝術與設計學院，早年曾與梁洛施傳姊弟戀，又曾與官三代程穎婕拍拖，王令塵現居於上海；而未婚妻游天翼係一位國際超模，出生於 1994 年，來自湖北，2010年獲第18屆中國模特大賽季軍，從此踏上模特生涯，游天翼不僅係模特，仲涉足電影、電視節目等領域，展現其多才多藝嘅一面。