杜德偉澳門攜阿仔出騷輕鬆度過周末 AJ化身貼心助手拍片兼按摩

杜德偉（Alex）噚日專程赴澳門為《2024大灣區電影音樂晚會 》演出，雖然行色匆匆，但喺音樂會上見到唔少好朋友，包括葉童、葉麗儀、B哥哥（鍾鎮濤）、王力宏、李治廷、曾比特同周柏豪等，最難得嘅係Alex身邊多咗一位得力助手AJ，為爸爸影相、陪練歌、又幫爸爸按摩，令Alex喺緊湊工作行程當中輕鬆度過。

杜德偉噚日專程赴澳門為《2024大灣區電影音樂晚會 》演出。

Alex啱啱喺內地巡唱返港，佢透露因觀眾反應熱烈，主辦商邀請佢12月上海站Encore演唱。Alex笑指呢排同風雨特別有緣；上個星期先喺無錫開騷剛好遇上摩羯颱風，同時間舉行嘅其他演唱會全部取消，惟獨佢嘅個唱，主辦商堅持無懼風雨繼續進行，幾乎座無虛席，佢形容此行有驚無險。

Alex今次趁周末與兒子AJ一齊去澳門，AJ十分醒目，照顧爸爸左右。

Alex今次趁周末與兒子AJ一齊去澳門，AJ十分醒目，照顧爸爸左右，心感安慰嘅Alex忍唔住大讚：「 AJ喺個show好幫得手，十足Official嘅工作人員，非常專業又拍片、又影相、打燈兼按摩，我多咗一位好貼心嘅私人助理。」

AJ似足Official嘅工作人員，非常專業又拍片，仲蹲下為爸爸影相。杜德偉與一眾歌手及國家隊運動員同台演出。曾比特、杜德偉、周柏豪。