新聞女王｜鄺潔楹讓馬國明陷性騷擾風波 崩潰自殺挑戰連環情緒戲得視帝教路

TVB台慶劇《新聞女王》集集精彩，話題不斷，近日劇情發展講到馬國明飾演George捲入MeToo風波，好在一切喺第十三集真相大白，原來所有事係鄺潔楹（Judy）飾演嘅化妝師Debbie幻想嚟。

Judy喺劇中連番崩潰，最後大受打擊自殺嘅場口，其實係喺同一日拍攝，大家唔好以為Judy只係客串，查實兩場情緒戲都有難度，為咗令觀眾感受到角色有層次地揭開真面目，Judy落足心機預備，更得到視帝馬國明請自教路。

Judy亦有觀察身邊嘅化妝師一舉一動，留意佢哋喺職業上嘅專業手法同小動作，其中一個就係化妝師會彎低身幫藝人化妝。正當Judy以為自己喺拍攝時還原動作時，一埋位佢先發覺身形「菂薂（的骰）」嘅自己根本唔需要彎低身，已經可以幫馬明化妝，令佢有啲小遺憾！