StarTalk丨姜皓文初嘗特技化妝辛酸 楊偉倫被逼真道具儀式嚇怕

姜皓文 同 楊偉倫 作客《StarTalk》接受主播 王鎮泉 專訪，分享電影新作，黑哥話當初受到導演邀請時以為故事係講父女情，之後先了解到係喺舊商場發生同殭屍、喪屍相關嘅故事。楊偉倫就拍過喪屍戲，上次演過喪屍嘅佢，反而今次就無需屍變。

姜皓文喺新片中將扮演喪屍，化妝都要足足半日
初嘗化喪屍妝，黑哥話事前唔知道咁大陣仗，入到化妝間見到好似實驗室，點知一坐就坐咗六個鐘試造型。今次逃過一劫唔使特技化妝嘅楊偉倫笑言，若果導演要求佢加插喪屍造型，佢一直會話劇本無。戲中飾演道士，楊偉倫話啲對白都好難背，好彩佢係演半桶水嘅道士，有甩漏都冇問題。
阿倫就係係一名半桶水道士

戲中不時需要喺商場狂奔，不過黑哥跑得太投入，忘記自己角色係跛腳，需要導演不時提醒。為求拍攝逼真，所有用具、符咒同儀式都係實物，令佢哋過程感到好大壓力。

故事喺一個老舊商場當中發生