張天賦打戲初體驗 對手仲係宇宙最強？！

MC張天賦 繼擔正演出電影《夜校》之後，最近獲宇宙最強 甄子丹 欽點合作拍攝新戲《誤判》，之前團隊曾被野生捕獲封街拍攝，真係打到飛起。MC雖然作為影壇初哥加上係動作戲新丁不過一樣冇有怕，自評身手過關，為咗高難度動作，拍攝前特別去進行特訓﹐暫時未有機會吊威吔﹐只係涉及一啲爆破。佢更用好好玩嚟形容呢次嘅「初體驗」﹐又好有自信咁話有做動作演員嘅潛質。

MC更大讚丹爺相當細心：「其實（同丹爺合作）唔係話好大壓大，因為佢喺片場其實好Nice、好錫演員，會好細心為每個演員著想會有咩地方要注意，佢會叫現場嘅工作人員睇實我。」不過一向為食嘅MC最大嘅隱憂就喺貼身衫嘅鏡頭﹐更希望有高人出手為佢P圖。

適逢聖誕佳節，MC呢日亦獻唱《世一》以及同在場嘅賦二代預祝聖誕﹐講起《世一》跌出一個電台頒獎禮我最喜愛歌曲五強，ＭＣ亦坦言有失望，但係佢表示做歌初衷唔係為咗得獎，仲話活動後會即刻埋首創作。