結束13年愛情長跑 麥家瑜與前男團Square成員低調舉行婚禮

歌手麥家瑜Keeva呢日喺社交平台公佈喜訊，佢同拍拖13年、前男團Square成員James何尚謙拉埋天窗。
麥家瑜同James結束13年愛情長跑。
佢喺社交平台貼出同James嘅婚紗相，而帖文入面就表示：「我們結婚了。好多謝你們的祝福 替我們高興🥰13年的相處，現在將會踏進另一個新階段，感覺奇妙。」Keeva仲話歡迎大家提供新婚夫婦相處之道。
麥家瑜喺社交平台公佈喜訊。
講到婚禮，Keeva就話會選擇低調從簡，同親人輕鬆溫馨咁舉行，所以冇邀請太多朋友。至於講到婚後生活，Keeva就話：「今後的我只是多了一個身份，其他一直都沒有變，仍然喜歡音樂及表演，仍然渴望得到大家的支持。」
Keeva同GinLee稔熟。James（左）甚少玩社交平台。