炎明熹斬釘截鐵否認與歌手鄧家杰拍拖 被謠傳嚇怕唔敢亂點讚

炎明熹（Gigi）事業發展越嚟越好，感情世界亦受外界關注，早前傳Gigi跟選秀節目出身嘅歌手鄧家杰（Kakit）不時喺社交平台互動而傳出戀情，呢日Gigi現身公開活動斬釘截鐵否認緋聞，表明現階段專注工作。

Gigi指與Kakit未認識時曾喺網上見過對方嘅跳舞片，估唔到喺倒數嗰陣認識到Kakit，二人當時並冇太多交流，後嚟有互相關注大家嘅社交平台，Gigi話平時見到啲朋友post就會點讚，冇諗過忽然會被傳戀情，Gigi更好肯定咁講係100%冇可能發展。

Gigi坦言對謠傳有啲驚咗，皆因呢個風波喺情人節之前發生，搞到Gigi喺情人節都唔敢亂點讚，Gigi目前以事業為先，而且就嚟開演唱會，之後又有唔同嘅工作，一向對工作要求高嘅Gigi就好想集中喺工作上，盡力做到最好。