周元新劇化身夜限攝影師 爆劇名惹挑戰18禁疑雲

最近唔少話題韓劇相繼推出，而繼男神 金秀賢 嘅人氣新劇《淚之女王》之後，另一位演技派男神 周元 嘅新劇亦都緊接面世，佢呢日就同 權娜拉 等劇中演員出席新劇記者會喇。劇集改編自同名小說，周元喺劇中扮演經營世襲繼承；為亡魂服務嘅夜間限定照相館，不過因為劇名「夜限」呢個詞語令人有無限聯想，周元都話唔少朋友聽完劇名後不停話羨慕，聯想係位色情攝影師，以為會有滿滿嘅福利，但最終周元深入睇完劇本，就發現故事相當有深度喇。

周元每逢拍劇都有收視保證，過往亦有演過唔少爆Hit劇集包括《Good Doctor》 、《龍八夷》、《Alice》等。被問到收視達標後，有啲咩驚喜回饋Fans，佢就直言話如果收視破20%，就計畫拍續集，同一眾超級有默契嘅拍檔再合作呀。