有片｜貨Van司機「搞笑睡姿」被影相抄牌　網民反批警察做錯？

在香港，若有人違泊，交通督導員或警察都有可能抄牌送上一張「牛肉乾」（罰單），近日一名司機疑太累因此坐在車上休息，深怕食「牛肉乾」的他，更將雙腿放出車窗外，非常可笑。

據網上影片可見，該名司機睡著時，將雙腿放出車窗外，其後引來一名警察上前，但警察並沒有叫醒司機或與他作交談，而是立即影相抄牌，其後片段結束。

影片截圖

網民反批警察做錯？

不少網民看畢影片後，對警察的舉動表示不滿，批評他為甚麼不先叫醒司機，認為先確保司機沒有身體不適才抄牌，「完全睇得出警察依家係為咗抄牌而抄牌！完全不顧市民安全！警察連最基本嘅都唔做，抄牌之前應該關心下司機身體問題，叫醒佢確保佢身體冇問題先抄。萬一這個司機係心臟病發的話，這個警察就係一個間接害死司機的兇手！」、「基於人道和保護市民生命財產的原因，你可以叫醒佢之後話佢違反乜乜乜乜，跟住照抄牌，莫非為咗追數抄牌緊要個人命」、「抄完都睇下佢乜事呀」、「如果個司機唔舒服或者暈咗，警察有可能會構成公職人員行為失當」。

不過，也有網民支持警察的辦事方法，認為只要犯錯，就應該被罰，「唔好話警察住，掃code唔一定抄牌，最後有無畀出牛肉乾先？」、「可能警察都係望下影張相姐」、「警察份工唔易做」。