私家車裝神器保護車身卻被港男寸誇張　最後圍爐失敗遭網民圍插！

駕駛人士最怕愛車被弄花，因此有車主想到用特殊方法保護愛車免受傷害，不過此舉卻被一位港男批評「太誇張」，亦被其放到網上討論，最後港男圍爐失敗更遭網民圍插！

一位港男近日在社交平台群組張貼一則照片，從他上載的照片來看，私家車的車身貼有兩個三角形狀的車門防撞條，疑為防止鄰車開門撞傷。而港男又寫上「泊貨車位都要咁驚？商場開放貨車位比私家車泊，每架私家車距離隔離架車一架車咁闊。」

網上圖片

港男圍爐失敗遭網民圍插！

港男將帖文發布後，引起不少討論，但大多反而是圍插港男，認為他多管閑事，又指車主保護愛車是非常正常，不應對別人多作批評，「架車係人地，關你咩事，八卦」、「人地都係小心你，保護自己啫」、「保護自已架車都有錯？」、「香港太多自私人開門，保護返部愛車，其他人肯定無自己咁愛錫自己部車的」、「就算佢隔離無車，佢成架車揾野粒住包晒膠，我都唔覺有咩問題，保護自己有錯咩，係樓主呢d帶有色眼鏡，放上網諗住笑人，點知自己先係小丑。」、「俾人撞到凹晒，都係一排留言叫人食自己，而家保護自己，又問使唔使咁驚」、「似你大驚小怪多啲啵，人哋保護自己架車都要俾你影相出嚟公審」、「你試過新車俾人打個洞，仲要無仇報就唔會咁講」、「你坐開巴士又點知車主嘅苦況啊？人地又無阻到你」。

香港有「不小心開車門罪」？

其實對於開車門也有法例保障，據《道路交通（交通管制）規例》第44條離開汽車及開啟車門部分，任何人不得開啟，或致使或允許打開在道路上的汽車或拖車的任何車門，以致對任何人造成傷害或危險；任何人無合理辯解下違反此規定，即屬犯罪，可處罰款2,000元。

法例