有圖｜茶客筲箕灣酒樓飲到螞蟻直呼「噁心」　網民一句留言絕了！

香港人喜愛飲茶文化，不少人日常也會上酒樓嘆點心，但近日有一名女茶客在酒樓飲茶時，指自己的茶壺內充滿螞蟻，更直呼「噁心」，引起網民討論。

女茶客：茶壺全部都係死蟻

有女茶客在網上發帖表示，自己周二（11月6日）到筲箕灣一間酒家飲茶，指吃完點心喝茶後，才發現茶的表面充滿螞蟻，更指因螞蟻體型細小以為是茶葉碎因此沒有為意，「打開個茶壺密密麻麻，全部都係死蟻，兩壺茶都有，最後先發現原來係壺水有，諗起我哋可能每人食咗幾十隻蟻落肚就勁噁心。」

她又指，已即時向職員反映，但職員只為她收走水壺及換另一壺熱茶，「話呢個冇啦換咗，一句唔好意思道歉都冇，講真我仲敢飲咩。」其後女茶客又自稱已向食環署舉報。

網上圖片網上圖片

網民一句留言絕了！

網民在看畢此事後紛紛留言，有人責怪酒樓衛生不到位，「好彩你講一講，我屋企人好鍾意去嗰度飲茶，我聽日同佢哋講等佢哋注意吓」、「嘩...睇到都好唔舒服好想嘔」、「搞到我唔係好敢再去飲茶」、「真的恐怖」、「好恐怖好污糟」、「香港酒家嘅服務態度...」、「以前去飲茶，個茶壺倒出咗一隻曱甴」；另有人留言笑稱，「唔算係protein shake」、「飲杯茶都可以吸收蛋白質」、「滿滿嘅蛋白質」、「正，豐富蛋白質」。