有片｜無品Tesla司機馬路亂拋垃圾險中鐵騎士　網民留言狂轟！

過往有不少車主在車上亂拋垃圾，導致馬路成為「垃圾崗」！日前網上有一則車Cam影片流傳，一名無品Tesla司機，公然在馬路中間亂拋垃圾，更險中一位鐵騎士，遭網民留言狂轟。

Tesla司機馬路亂拋垃圾

該段車Cam影片拍攝於周六（1月18日）上午8時許，一名電單車司機在馬路馬駛其間，左方線道一輛白色Tesla車的司機，突然從車上亂拋垃圾。從畫面可見，垃圾中包括煙頭、膠樽等，而垃圾更險中鐵騎士，差點構成交通意外，也嚴重影響道路使用者的安全。

片段截圖：

網民留言狂轟！

多位網民在看畢影片後，紛紛留言狂轟司機，「Tesla司機永遠不會令人失望」、「唔該真係要1823！！謝謝」、「佢就咁掉係路中心 ，電單車行過真係碌到水樽就咁一世」、「樓主建議你報食環外，報埋警察。」、「交片去食環會告佢拋垃圾。」、「除咗報食環，填份表格之外，仲應該報埋俾警務處話T車危害道路者駕駛安全。」、「仲踩到過哂界」、「離晒大譜」、「唔知逐件計定點?」、「呢個又過份啲既。」、「告危安他人安全啦」、「一定要舉報！」、「超大隻垃圾蟲」、「如果有香港心，往食環處投訴，唔可以俾班廢物亂嚟，等佢每次抌垃圾，都要付出代價。」、「垃圾蟲一定要攪佢，3000蚊呀大佬」、「告埋佢影響道路安全」、「1823啦」、「既然咁順手，咁順手交埋$1500佢」。

同場加映：乘客最唔應該做嘅頭三種行為

馬路亂拋垃圾係犯法！

根據《公眾潔淨及防止妨擾附例》（第132BK章），任何人士從指明車輛拋擲垃圾，最高可被判罰款25,000元及入獄6個月。

另外，食環署亦將打擊車上亂拋垃圾的計劃，擴展至全港各區，加強執法效率。食環署發言人說，食環署留意到有不負責任的司機或乘客會從車上亂拋垃圾，既影響環境衞生，更有機會對其他道路使用者造成危險，亦會加重清潔人員到道路中央分隔帶清理垃圾的負擔。

該署指，過去兩個月，食環署在旺角和深水埗區內4個地點的中央分隔帶設置網絡攝錄機，成功辨識14宗亂拋垃圾如膠樽、紙巾、煙包等的個案。署方會利用錄像搜集到的資料，向相關人士提出檢控。同時，又呼籲道路使用者保持道路清潔，垃圾應待下車後丟棄到合適的地方。