有片 | 阿嬸疑逼抱恙少女讓港鐵關愛座直斥「唔知羞恥」 引爆網民熱議

網上社交平台最新流傳一則帖文並且附上一段視頻，帖文指出「話說，我尋日喺醫院做手術全身麻醉，今日出院搭地鐵返屋企。我坐關愛座，跟住片中阿姐見到我坐喺到，佢用手敲下我電話，問我：你知唔知而到關愛座嚟？ 係俾阿婆坐，你仲唔起身？我：我唔舒服。阿姐：你個樣邊似唔舒服？唔舒服仲玩電話？我：你鍾意啦下。阿姐：你望下個板，邊到有講唔舒服可以坐？淨係寫老人家、大肚。大肚你就唔似架喇，跟住阿姐係咁講話我冇家教/ 咁大個人都唔識羞恥 ，講咗好耐，我就冇出聲，因為唔想同佢嘈」。

視頻中可見，一名阿嬸面對該名坐在關愛座的少女，直斥「小朋友，又冇拿拐杖，咁大個女都唔知羞恥」。

網上社交平台視頻截圖網上社交平台視頻截圖

事件引爆網民熱議，不少人留言表示「關愛座係畀真正有需要嘅人座！阿姨咁有中氣話人，有冇需要坐? 我雖然係後生，但病到就嚟暈低,咁又有冇需要坐？」、「從來唔覺得關愛坐係只俾老人家坐！任何有需要嘅人都可以坐。我雖然唔係女人，但都知女性每月有幾日唔方便時都好難受，都需要坐，班老人家喺美食節趕買平嘢時行得快過好多後生仔女呀！」、「冇條例規定關愛座必須俾乜嘢人去坐。關愛座只係提醒市民留意關心有需要嘅人。所有俾左錢坐車嘅人，都有權坐任何一個位置。讓座係人情，唔讓係權利。某啲人誤解，仲以為企係道德高地去指責人」、「我試過三次坐頭等比呀姐呀婆叫讓座，我都唔會讓，當中有一個仲比職員周到無嘟頭等要落車罰錢」、「有禮貌嘅我會讓，但無禮貌嘅一律唔讓，完！、「日本啲優先座都冇人理，乜人都坐得，有需要咪坐囉，係得香港人咁春麻煩」、「取消關愛座呢個多舊魚既設計啦」等。

「關愛座」又名優先座，是指公共交通工具營辦商劃定座位予有需要人士（長者、孕婦、抱著嬰孩、行動不便的人士等），亦鼓勵其他乘客讓座予有需要的乘客。

港鐵於2009年10月開始逐漸在列車車廂近車門位置劃設關愛座，香港電車更早於千禧年後在電車落車門座位附近加上「有需要者優先使用」標貼，雖然並無明確表示該等座位為關愛座，意義上亦已等同優先座。

事實上，有關座位並非專為標貼上描繪的特定人士而設，一般乘客理論上亦可就坐，並應在遇上有需要人士時主動騰出座位。然而，近年關愛座帶來「批鬥」文化，更有人笑稱之為「批鬥座」。