網民拍下黃大仙消防局「人頭樹」 ：真係嚇得死人

網上群組最新流傳一則帖文並且附上2張圖片，帖文題為「驟眼望過去真係有啲驚」。

網民指圖片拍攝於黃大仙消防局側門，可見在該消防局一個出入口的右邊，有一棵小型老樹依附著牆身生長，最頂處在稍惻的角度看來，十分像一個人頭，成為一棵「人頭樹」，十分詭異。

網上FB群組圖片網上FB群組圖片

網民對此反應極大，不少人認為此樹甚為邪門，紛紛留言表示「人頭樹」、「有欄爪」、「真係嚇得死人，岩岩都嚇一嚇」、「頂，影到咁似」、「衰嘢，無人叫你影到咁似架嘛」、「夜晚有少少燈光影埋去，仲恐怖呀」、「邪鬥邪」、「睇嚟要搵個師傅攪攪佢先」、「有個講法就係俾你見到佢形相，即係你同佢有緣」、「屍骨未寒啫，嚇我唔到嘅」、「風水嘢，鎮局之寶」、「放上小紅書，即刻變景點」、「唔好嚇自己，等人啫」、「剪小小頭髮，唔好留咁長！」、「消防局老總搞搞佢啦」、「吸收咗日月精華」等。