有片 | 港鐵沙田站阿媽帶小童月台小便 與嬲爆職員針鋒相對網民咁樣睇

網上FB群組今天 (2月22日) 流傳一則帖文並且附上一段手機視頻，帖子題為「揚開咗，反而擔心地鐵哥哥仔」。

視頻顯示事發地點是白天港鐵沙田站的月台末端位置，一名講不純正廣東話的媽媽，當時帶著2名大約8歲手持iPad玩著的男童，有網估計該條視頻之前該名媽媽被一名男港鐵月台助理發現及斥責不要讓男童隨處小便，她最終帶走盛著小便的膠袋被指示離開，該名媽媽離開前與港鐵月台助理針鋒相對，更反駁指小孩忍唔到會瀨尿等，最終忿忿不平地離去。

網上FB群組視頻截圖網上FB群組視頻截圖

事件引爆網民熱議，不少人留言表示「咩年代呀？」、「嘩兩個都讀緊小學喎，廁所都唔識去啊」、「巨嬰，捧住iPad唔識控制屎尿」、「都咁大過忍一陣都得掛」、「佢兩個細佬不是2/3歲，点會忍吾到」、「係機場見過，抱個仔喺垃圾桶屙尿，廁所喺佢後邊，行三步就到，我話佢唔可以喺垃圾桶屙尿，佢話唔知廁所喺邊」、「其實佢阿媽搭車之前可以叫小朋友去咗toilet先，咁咪唔會中途好急尿周地屙囉，家長正常就係要經常提醒個小朋友出門口前去完商場準備走前都要求個小朋友要去咗toilet先，正常家長都會咁樣做，就係驚小朋友要去洗手間而又好急又搵唔到」、「沙田站有洗手間，行上去有幾難」、「東鐵線所有車站都有廁所，不過佢有袋住都算有少少公德心，起碼唔係周地疴」、「估計條片幾秒前佢係比職員見到兼鬧佢佢唔好掉地下，撿返起佢先搵袋袋起」」等。

不少網民更直斥月台小便的做法，表示「周圍比細路屙尿，仲惡過職員？？？」、「支持港鐵職員 ，做得好！」、「個老母衰，教壞細路」、「極厚面皮，仲若無其事揮手」等。

來源：港鐵網頁

根據港鐵的網頁介紹：「港鐵致力為每位乘客提供優質的服務，以照顧不同乘客所需。為了更便利乘客出行，全港65個港鐵車站包括所有轉綫站已設有洗手間，就算行程中人有三急亦不用惆悵了！我們亦會持續提升車站設施，除了將現有的洗手間翻新及智能化，亦會加強清潔力度及提升清潔效率，為乘客提供更舒適的旅程。同時，我們都需要大家幫忙保持洗手間清潔，就算人有三急，如厠都要有美德!」。

此外，根據《港鐵附例》第6條「污物等不得放置在鐵路處所」指出，任何人不得致使、准許或容受污物、污水或其他厭惡性物體流入或進入或放置在鐵路處所的任何部分，違者最高可被罰款$5,000及監禁6個月。